Wafiadini wa kwanza wa Kanisa la Roma ni jina la kumbukumbu ya Wakristo wa kwanza kuuawa mjini Roma kutokana na dhuluma iliyoanzishwa na Kaisari Nero mwaka 64 BK kwa kisingizio cha kwamba ndio waliosababisha moto ulioteketeza Roma[1].
Wanafunzi hao wa Mitume Petro na Paulo waliuawa kikatili kwa namna mbalimbali kama alivyoshuhudia mwanahistoria Mpagani Tacitus. Baadhi walivikwa ngozi za wanyama wakararuliwa na mbwa wakali, baadhi walisulubiwa na baadhi walichomwa moto kama mienge ili kuangaza usiku [2].
Tangu kale wanaheshimiwa kama watakatifu wafiadini.
Adhimisho lao linafanyika katika Kanisa la Roma na katika makanisa yote yanayofuata mapokeo yake tarehe 30 Juni, [3], yaani siku moja baada ya sherehe ya Mitume Petro na Paulo, walimu wao.
© MMXXIII Rich X Search. We shall prevail. All rights reserved. Rich X Search